Arratisja e dështuar e të dënuarve Arbër Çekaj, Fatmir Pjetri dhe Lulzim Çepele, ka bërë që 6 oficerë të burgjeve të vihen nën hetime, pasi nuk kanë kryer detyrat e tyre.
Burimet e SYRI TV kanë bërë të ditur se prokuroria ka vënë nën hetim për ‘Shpërdorim detyre’ 6 efektivë të Policisë së Burgjeve, pasi nga verifikimet ka rezultuar se me veprimet dhe mosveprimet e tyre, kanë lejuar dy të dënuarit të vënë në jetë planin e arratisjes.
Konkretisht, efektivët Gëzim Rramushi, Sajmir Shahini, Bashkim Muça, Oldi Myzyri, Redion Maloku dhe Edmond Prenga po hetohen nga Prokuroria, ndërsa për moskallëzim krimi janë referuar edhe 3 të paraburgosur të tjerë.
Sipas Prokurorisë, këta efektivë nuk kanë bërë kontroll fizik të mjeteve dhe pajisjeve që i paraburgosuri Fatmir Pjetri kishte me vete, konkretisht një çantë të kuqe ku ndodhej litari dhe sendet e forta atë të hekurit, në kushtet kur kontrolli para daljes në zonën e ajrimit është detyrim.
