Një aksident i rëndë është regjistruar para pak çastesh në qytetin e Korçës, ku në bazë të informacioneve paraprake bëhet me dije se një automjet ka përplasur për vdekje një grua.
Mësohet se ngjarja ka ndodhur në afërsi të Poloskës, në një kryqëzim, ndërsa bëhet me dije se viktima është shtetasja Refkie Gogoli rreth 70 vjeç, ndërkohë që personi që e ka përplasur është shtetasi Artur Keco, i cili po drejtonte mjetin tip Opel me targa CZ 726AK.
Policia ndodhet në vendngjarje dhe po punon për zbardhjen e shkaqeve dhe rrethanave të aksidentit.
