Shqipëria në flakë, Çuçi nis pushimet, ministri i Kosovës monitoron zjarret në Kalimash

Ndërkohë që vendi përballet me situatën e zjarreve,ministri i Brendshëm, nën gjurmët e Kryeministrit Edi Rama, ka nisur pushimet.

Çuçi prej datës 2 gusht deri më 20 gusht ia ka deleguar kompetencat zv.ministrit Andi Mahila, përmes një urdhëri që mban datën 29 korrik 2021.

E ndërsa Rama prej kohësh ia ka deleguar drejtimin e qeverisë zv.Kryeministrit Erion Braçe, që firmos vendimet e Qeverisë, Çuçi ka menduar që drejtimin e Ministrisë së Brendshme, pavarësisht situatës së zjarreve t´ia delegojë të paktën për 18 ditë, zv.ministrit Mahila.

Dhe si për ironi, ndërsa Çuçi ka nisur pushimet në Shqipëri ka mbërritur ministri i Brendshëm i Kosovës, Xhelal Sveçla, i cili ka shoqëruar forcat zjarrfikëse dhe ato ushtarake që kanë mbërritur në Kalimash për të ndihmuar në shuarjen e flakëve.

LEXO EDHE  Dhunë ndaj babait, arrestohet 36-vjeçari lushnjar

Nuk është çudi që pas disa ditësh ministri i Brendshëm të shfaqet i skuqur apo i nxirë, njëlloj sikundër Rama u shfaq në një foto të publikuar një ditë më parë me atletet nga Kosova. Mos kini frikë nuk janë skuqur apo nxirë nga flakët e zjarreve, por nga rrezet e diellit ku po pushojnë.