Rëndohet situata në Karaburun, flakët rrezikojnë edhe pishat e Llogarasë

Pavarësisht se Shqipëria ka ditë që lufton me zjarret ende flakët nuk janë vënë nën kontroll.

Sfiduese mbetet situata në gadishullin e Karaburunit, në vendin e quajtur “Gropa e Pirit” pranë Llogarasë, aty ky zjarri i një dite më parë u vu nën kontroll, territori u përfshi sërish nga flakët.

Mësohet se zjarri gjendet në afërsi të pishave të Llogarasë. Forca të shumta të ushtrisë që prej orës 10.00 ndodhen në mal për të mbajtur nën kontroll flakët. Të ndihmuara nga era që fryn nga verilindja, flakët afrohen drejt Llogarasë.

Ndërkohë zjarri u riaktivizua edhe në Dukat. Në këtë zonë po punohet nga toka dhe ajri për të shuar flaket.

Edhe gjatë mbrëmjes së djeshme forca të shumta kanë qëndruar në kufi me pyllin me pisha për të monituara situatën.