Kryeministri Edi Rama, i cili prej disa ditësh po pushon, ndonëse vendi po përballet me situatën e zjarreve, ka gjetur kohën që ti përgjigjet sulmeve dhe akuzave në drejtim të tij, lidhur me nismën e “Ballkanit të hapur”.
Në një kohë kur trupat zjarrfikëse nga Kosova ishin angazhuar në Kukës për fikjen e zjarreve, bashkë me ato të Shqipërisë, në një kohë kur ministri i Brendshëm i Kosovës, ndiqte nga afër situatën e zjarreve, ndërsa homologu shqiptar, Bled Çuçi, pushonte në plazhet në jug të vendit, Rama ka zgjedhur të shprehë të gjithë mllefin e tij në një reagim në rrjetin social.
Sipas Edi Ramës, politika e brendshme në Kosovës ka marrë peng edhe politikën e jashtme të këtij vendi.
Ai insiston se Kosova duhet ti bashkohet nismës Ballakani i Hapur sepse për të, mjetet e luftës nuk mund të jenë mjetet e paqes.
Në reagimin e tij, Kryeministri nuk tha asnjë fjalë për faktin se Forcat Sigurisë së Kosovës zbarkuan në Kukës e Mirditës me mjete e pajisje moderne për të luftuar më flakët, teksa homologët e tyre shqiptar i gjetën i gjetën duke shuar flakët me kazma e degë pemësh.
Kryeministri Edi Rama me i shqetësuar se për situatën e zjarreve është për faktin se ai është kryqëyar në rrjet nga publiku në mbarë trojet shqiptarë për qëndrimet e tij ndaj Kosovës.
Nuk është çudi që pas disa javësh apo muajsh, Edi Rama të mohojë që në Shqipëri kanë ardhur zjarrfikës nga Kosova për të ndihmuar në shuarjen e zjarreve, sikundër bëri pak ditë më parë, kur falenderoi Maqedoninë e Veriut dhe Serbinë për ndihmën që kishin dhënë për tërmetin e 26 nëntorit.
