Një familje me origjinë nga Afrika e Jugut, është shuar nga COVID-19, vetëm pak ditë pasi kishin refuzuar të marrin vaksinën kundër COVID-19.
Ka qenë djali i familjes i mbetur gjallë që ka rrëfyer se nëna, babai dhe vëllai i tij vdiqën nga Covid brenda një jave.
Francis Goncalves pësoi humbjen shkatërruese të trefishtë, të vëllait të tij Shaul, 40 vjeç, babait, Basil, 73, dhe nënës, Charmagne, 65, muajin e kaluar.
Mësohet se 43-vjeçari, jeton në Cardiff, dhe thotë se tre të afërmit e tij, refuzuan dozën e Covid pasi ranë viktima të ‘propagandës kundër vaksinimit’ dhe bën thirrje që njerrëzit të mos besojnë më teori të tillë.
Francis tha se nëna e tij kishte probleme shëndetësore dhe babai i tij kohët e fundit ishte në spital me gurë në veshka, ai ishte veçanërisht i tronditur nga vdekja e vëllait të tij – të cilin ai e përshkroi si ‘personi më i shëndetshëm’ që ai njihte.
