Moderatorja Bora Zemani dhe aktori i humorit Donald Veshaj janë ndarë përfundimisht, duke fshirë njëri-tjetrin jo vetëm nga jeta reale, por edhe nga rrjetet sociale.
Dyshja tashmë janë shprehur se janë “single” dhe se po kalojnë mjaft mirë kështu. Dolnaldi është duke shijuar pushimet e tij në Barcelonë krah vëllait të tij Romeos edhe me shoqëri, ndërsa Bora po i shijon në Turqi, këtë herë pushime familjare, me djalin e saj Arborin.
Fillimisht Donaldi në një intervistë me Romeon ka nënkuptuar se Bora ishte si të dashurat tjera dhe kaq mjaftoi që Bora të reagonte përmes një postimi në rrjetin e saj social instagram: “Heshtja është më e mirë se gjepurat”.
Por nuk mbaroi me kaq, pasi në një tjetër fotografi Bora ka hedhur sërish kunja drejt Donaldit me thënje të tilla si: “Ajo nuk po kërkonte një kalorës, ajo po kërkonte një shpatë”. Postim i cili e ka nxitur Donaldin të reagojë me një shkrim që nga shumë ndjekës u mor si tallje.
