Është arrestuar bashkëshorti milioner i modeles shqiptare Angela Martinit, Dragoș Săvulescu.
Savulescu u arrestua në Mykonos, Greqi, teksa po konsumonte drekën në një restorant lukosz në Mills.
Sipas mediave rumune, Dragos Savulescu u arrestua pasi bashkëshortja e tij, modelja Angela Martini, publikoi foto nga pushimet e saj në Greqi.
Modelja shqiptare dhe një shoqe nga grupi i tyre postuan disa fotografi nga Mykonos, në të cilat shfaqet edhe biznesmeni i arratisur.
Urdhri i arrestit për të u lëshua pas një urdhri evropian nga autoritetet rumune për pjesëmarrje në një grup kriminal (30 anëtarë), i cili përllogaritet ta ketë dëmtuar shtetin me 114 milionë euro përsa i përket disa pronave në Constatta dhe Mamaia.
Siç raportohet nga mediat rumune, bashkëshorti i Martinit ka mundur të sigurojë ilegalisht disa toka që gjendeshin nën pronësinë e një të moshuari, Ivonne Aline Buzescu-Movila. Së bashku me dikë tjetër, mbiemri i të cilit është Giurgiucanu, biznesmeni i ka marrë pronësitë falë ndihmës së një noteri. Më pas, këto toka u janë shitur të afërmve apo miqve me një çmim shumë të ulët.
Pas vendimit të autoriteteve gjyqësore për dënimin me burg, Savulescu u arratis në Itali, konkretisht në Napoli derisa u vu në pranga në Greqi.
