Tentativa për arratisje nga burgu, detaje të reja nga aventura që zgjati pak për Çekajn

Një ditë pas tentativës së arratisjes nga ambientet e burgut 313 në Tiranë, të Arbër Çekajt dhe Fatmir Pjetrit, zbulohen detaje të reja në lidhje me dinamikën e ngjarjes.

Mësohet se dy të dënuarit, Arbër Çekaj dhe Fatmir Pjetri, pasi kanë varur çarçafët nga muri rrethues për te hyrja administratës, kanë nisur të zbresin, ku njëri prejt tyre ka qënë pranë derës së daljes së burgut 313.

Aty njeri prej personave që tentoi arratisjen është përplasur me gardianin ku edhe e ka goditur me një send të fortë duke i shkaktuar dëmtime në koke. Por nderhyrja e kolegut të tij ka netrualizuar cdo gje, duke i prishur planin Çekajt dhe Pjetrit.

Por, ajo çfarë e bën të dyshimtë këtë ngjarje është fakti se si kjo tentativë nuk është konstatuar nga gardianët e tjerë, ku ambientet e 313 janë të pajisur me dhjetëra kamera sigurie. Për këte çështje ka nisur edhe një hetim. Kontrolli i Brendshëm i Burgjeve ka nisur vetifikimet për të parë nëse ka pasur shpërdorim detyre nga zyrtarë të tjerë të burgut 313.

LEXO EDHE  Gëlltit plot 40 doza kokainë për t’i shpëtuar policisë në aeroport

Gjithashtu, materialet për tentativën e grabitjes janë referuar ne prokurori, ku hetuesit tashmë pritet që të marrin në pyetje edhe gardianët e tjerë të burgjeve për të hedhur dritë nëse ka pasur bashkëpunim mes të dënuarve dhe të burgosurve që tentuan arratisjen.