Piromanët që i vunë zjarrin pyjeve në Shqipëri, rrezikojnë deri në 15 vite burg

Një pjesë e zjarreve që kanë përfshirë vendin nga jugu në Veri janë zjarrëvënie të qëllimshme.

Policia e Shtetit po konfirmon çdo ditë me arrestimin e autorëve alarmin e ngritur më herët  për valën e pazakontë të vatrave të reja.

I qëllimshëm ishte edhe zjarri në Çorrush të Mallakastrës, ku u dogj një sipërfaqe toke e konsiderueshme me bimësi të ndryshme.

Ai u ndez nga 23 vjecari Emiraldo Ahmetaj, i cili ka përfunduar në pranga.

Në Fier u arrestua edhe Mirel Buçka, pasi duke djegur disa mbeturina në pronën e tij zjarri i ka dalë jashtë kontrollit dhe për pasojë janë djegur ullinj, dru frutorë dhe hardhi.

Të dielën në pranga përfunduan edhe dy piromanë.

Arben dhe Zarif Muskaj, akuzohen se në bashkëpunim me njëri tjetrin ndezën zjarrin në pyllin  e fshatit Gjorgoz,  ku  u dogjë rreth 4 hektarë me shkurre e pisha.

LEXO EDHE  Yuri Kim i shkon Bashës në zyrë

Policia ka dyshime të forta se ata janë autorë edhe të zjarrvënies në pyllin e fshatit Kreshpan më 28 korrik.

Nga ana tjetër kjo është ajo çfarë ka mbetur nga zjarret në Cakran dhe Gjorgoz.

Gati 9000 rrënjë ullinj shekullorë dhe rreth 70 ha pyje me pisha është dëmi i shkaktuar nga flakët.

Për drejtorin e Mbrojtes Civile pranë bashkisë Fier Maksim Zarka terreni i vështirë e ka bërë të pamundur ndërhyrjen profesionale, ndërsa ata kanë punuar me mjete rrethanore.

Sipas Kodit Penal, zjarrvënësit rrezikojnë nga gjobë deri në 15 vite burg kur janë shkaktuar pasoja të rënda për jetën e shëndetin e njerëzve