Policia e Durrësit arrestoi një 49-vjeçar pasi dyshohet për konsumimin e veprës penale “Shkatërrim i pronës me zjarr”.
Sipas njoftimit zyrtar nga policia, 49-vjeçari A. B., i ka vënë zjarrin ditën e djeshme një sipërfaqe toke në lagjen nr. 15 në Durrës.
Për pasojë, janë djegur rreth 4.000 m² me bimësi të egër kallamishte.
“Specialistët për Hetimin e Krimeve në Komisariatin e Policisë Durrës, arrestuan në flagrancë për veprën penale “Shkatërrim i pronës me zjarr”, shtetasin A. B., 49 vjeç, banues në Durrës. Ky shtetas ditën e djeshme në lagjen nr.15, Durrës, i ka vënë zjarrin një sipërfaqe toke, ku është djegur rreth 4.000 m² me bimësi të egër kallamishte.
Drejtoria Vendore e Policisë Durrës apelon për të gjithë banorët që në asnjë rast mos shkaktojnë zjarrvënie pasi do të përballen me ligjin . Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke ju garantuar anonimatin dhe reagim të shpejtë e të paanshëm nga strukturat policore.”, njofton policia.
