Dy novegjezë u dënuan me nga 10 vite burg nga Gjykata e Tiranës me akuzën e pastrimit të parave.
Nga hetimet e prokurorisë rezulton se këta shtetas krijuan kompani me vlerë fillestare 3270 euro, e brenda dy muajsh rritën kapitalin e saj 500 fish. Duke përdorur këtë kopani, këta shtetas kanë transferuar 600 mijë euro nga Filipinet drejt Shqipërisë, para që dyshohet se nuk kanë burime të ligjshme.
Joo Nilsen dhe Ove Johansen, janë shtetasit e shpallur fajtorë dhe janë dënuar nga Gjykata e Tiranës.
Referuar dosjes hetimore në vitin 2015 është themeluar shoqëria “Norwegian Golf Devlopment AS”. Kjo shoqëri është themeluar me kapital fillestar 3270 euro. Kjo kompani, aksionet po në këtë vit ia shiti dy të pandehurve, me vlerë 2700 euro.
Pas dy muajish, Joo Nilsen bleu 40% të aksioneve përkundrejt vlerës 600 mijë euro, edhe pse gjatë kësaj kohe në shoqëri nuk ishte investuar në asnjë aset që të ndikonte në rritjen e vlerës, raporton Faxnews.
Një vit më pas Nilsen themeloi në vnedin tonë kompaninë “Asia Capital Group” sh.p.k, me objekt, dizenjimin, projektimin, zbatimin e projekteve të ndryshme inxhinierike. Me anë të kësaj kompanie dy norvegjezët trasferuan nga filipinet drejt Shqipërisë shumën prej 600 mijë eurosh.
Në vendimin e gjykatës thuhet se paratë janë tranferuara në Shqipëri, me qëllim fshehjen e origjinës së paligjshme të tyre dhe më pas investimin e tyre në veprimtari të ligjshme ekonomike dhe financiare”.
Ndërkohë dy të pandehurit jannë me precedent të mëparshëm penal. Johansen ka qenë në hetim për fshehje të ardhurash evasion fiskal e vepra të tjera në Norvegji, ndërsa me vendim të formës së prerë është dënuar edhe në Kosovë në vitin 2003 për akuzën e mashtrimit.
