Luan Kapaj, u cilësua pas tërmetit të 26 nëntorit 2019 si hero, nga Kryeministri Edi Rama, për kontributin e tij të vyer, teksa shpëtoi nga rrënojat e tërmetit disa qytetarë.
Tashmë prej javësh Luani dhe kolegët e tij po luftojnë me flakët në zonë e Dukatit dhe Karaburunit në Vlorë në kushte të vështira.
Por në dallim nga dy vite më parë, kur Kapaj do të veçohej edhe nga Rama, duke mos i kursyer elozhet, sot ai dhe kolegë të tij zjarrëfikës të Vlorës, ndjehen të braktisur nga shteti.
Në një prononcim për SYRI TV, Kapaj tha se përballimi i emergjencës së flakëve po bëhet me kushte primitive dhe ç´është më e rënda, pa pagesat e orëve shtesë.
Heroi i dekoruar nga Edi Rama për kontributin e tij në shpëtimin e jetëve në tërmetin e 26 Nëntorit, thotë se asgjë ska ndryshuar që atëherë dhe beteja me zjarrin po kryhet në kushte primitive.
Denoncimi i rëndë i zjarrëfikësit Luan Kapaj është një tjetër tregues sesi qeveria e ka braktisur detyrën e vet në një nga situatat më katastrofike me të cilat po përballet vendi në 30 vitet e fundit si pasojë e zjarreve.
Por ndërsa Luan Kapaj, heroi i tërmetit të 26 Nëntorit dhe kolegët e tij po rrezikojnë jetën për të shpëtuar pyjet e Vlorës, kryeministri Edi Rama vazhdon i qetë pushimet e tij ndërsa kartolina e vërtetë e qasjes së Rilindjes me situatën e zjarreve është komisari i socialistëve në jug, Damian Gjiknuri që ka vendosur të bëhet cciklist profesionist.
