Ngjarje horror, gjendet skeleti i një mashkulli në një fuçi plastike/ Dyshimet

Skeleti i një personi është gjetur në një fuçi plastike.

Ngjarja horror, sipas mediave greke, është zbuluar në brigjet e lumit Platanian në Rethymno, Kretë, më 27 korrik. Mediat, duke iu referuar të dhënave policore, raportojnë se skeleti i përkiste një personi të zhdukur. Dyshimet janë se skeleti i përket një 58-vjeçari, babai i dy fëmijëve, i cili është raportuar i zhdukur në 2018.

Sipas ekspertizës në trupin e viktimës nuk është gjetur asnjë plagë me armë apo me thikë.

LEXO EDHE  Shkullaku: Ja ku gaboi Basha me Berishën

Brenda fuçisë u gjetën disa rripa në formë mekanizmi për të mbyllur kapakun nga brenda dhe po ashtu edhe dy bombola gazi të vogla.

Kjo sipas ekspertëve tregon se 58-vjeçari mund të ketë vrarë veten duke mbyllur fuçinë nga brenda. Por hetuesit nuk përjashtojnë mundësinë që viktima të jetë mbyllur nga persona të tjerë dhe është lënë të vdes i gjallë.