Merkato/ Partizani hedh sytë nga Kroacia, synohet ish-lojtari i Kukësit

Edis Maliqi është ideja më e re e Partizanit. Duket se mbrojtësi i djathtë nuk është në planet e Lokomotivës së Zagrebit, me të kuqtë që janë vënë pas 26 vjeçarit.

Shqiptari nga Maqedonia e Veriut ka një të kaluar dy vjeçare me Kukësin në Superligë, teksa ka luajtur edhe me Rabotnickin, Makedonija apo edhe Shkupin.

LEXO EDHE  Superiorja/ Laçi i rrëmben barazimin Kukësit në minutën e 95-të, Egnatia dhe Skënderbeu ndajnë pikët mes tensionit

Bisedimet mes palëve vijojnë prej ditësh, teksa Maliqi mund të jetë afrimi i ri për krahun e djathtë të mbrojtjes. Largimi i Malës dhe Idrizaj ka lënë zbuluar linjën e djathtë, ndërsa gjatë fazës përgatitore u provua edhe Nico Patterni nga Dinamo, por pa bindur. Demat kanë në ekip edhe Filip Gligorov për krahët.