VIDEO/ Ja si Edi Rama përdori legalizimet dhe administratën për zgjedhje, PD: SPAK të veprojë

Sekretari i Përgjithshëm i PD-së, Gazment Bardhi, ka publikuar në rrjetet sociale audiopërgjimin e Kreut të Kadastrës, Artan Lame, për të cilin thotë se është prova se me urdhër të Edi Ramës, administrata dhe legalizimet janë përdorur për qëllime elektorale.

“Këmbëngulja e Artan Lames për t’i cilësuar shqiptarët si mish për top, është një tjetër provë se me urdhër të Edi Ramës, administrata dhe legalizimet janë përdorur për qëllime elektorale në masakrën zgjedhore.

Këtë e thotë edhe raporti përfundimtar i OSBE/ODIHR, këtë e dinë mirë të gjithë shqiptarët që pas mashtrimit për legalizime falas, u përballën me dhunën dhe gazin lotsjellës me të cilin u dëbuan nga pronat e tyre”, shkruan Bardhi në një postim në rrjetet sociale.

LEXO EDHE  “Ftohja me Shqipërinë ka nisur prej vitesh”/ Vjosa Osmani ia vë fajin Ramës

Sipas tij, ky krim zgjedhor, si një hallkë në zinxhirin e veprimeve korruptive dhe anti-demokratike, është një tjetër provë në duart e drejtësisë e cila nuk mund të mos veprojë, sidomos kur shkelësit e saj sfidojnë publikisht atë dhe shoqërinë shqiptare me qëndrimet e tyre anti-ligjore.