Dy persona u arrestuan nga Policia e Bulqizës, pasi kanë plagosur me thikë një 33 vjeçar, punonjës tek Ujësjellësi.
Të arrestuarit janë Blerdjan Gjoka 32 vjeç dhe Murat Zhaboli 28 vjeç, banues në Krastë, Bulqizë.
Policia bën me dije se pas një konflikti për motive të dobëta, të arrestuarit kanë goditur me thikë, për shkak të detyrës, shtetasin G. K., 33 vjeç, punonjës ujësjellësi, duke i shkaktuar dëmtime të lehta, jashtë rrezikut për jetën.
“U konfliktuan dhe më pas goditën me mjet prerës për shkak të detyrës një 33-vjeçar, arrestohen nga Policia 2 shtetas.
Nga specialistët për Hetimin e Krimit në Komisariatin e Policisë Bulqizë u bë arrestimi në flagrancë i shtetasve :
B.GJ., 32 vjeç; M.Zh., 28 vjeç, banues në Krastë, Bulqizë.
Arrestimi i tyre u bë pasi në Krastë Bulqizë, pas një konflikti për motive të dobëta kanë goditur me mjet prerës (thikë) për shkak të detyrës shtetasin G. K., 33 vjeç, (punonjës ujësjellësi), duke i shkaktuar dëmtime të lehta, jashtë rrezikut për jetën”, thuhet në njoftimin e policisë.
