Një shtetas 50-vjeçar, që u përfshi në një aksident rrugor, por u largua nga vendi i ngjarjes, u arrestua nga policia e Lushnjes.
Policia bëri të ditur arrestimin e Ilir Gjylas, për largim nga vendi i aksidentit dhe shkelje të rregullave të qarkullimit.
“Specialistët e Sektorit të Qarkullimit Rrugor arrestuan për veprat penale “Largim nga vendi i aksidentit” dhe “Shkelja e rregullave të qarkullimit rrugor”, shtetasin I. Gj., 50 vjeç, banues në Lushnjë, pasi në aksin rrugor Divjakë – Plazh, duke drejtuar automjetin tip “Ford Focus”, është përplasur me motomjetin tip “Yamaha” me drejtues shtetasin M. L., 66 vjeç, i cili ndodhet në spital nën kujdesin e mjekëve. Pas aksidentit 50-vjeçari është larguar nga vendi i ngjarjes, por është kapur nga shërbimet e Policisë.
Materialet i kaluan Prokurorisë, për veprime të mëtejshme”, njofton policia.
