I lidhur me mafien, sekuestrohen 3 mln euro pasuri të një biznesmeni

Anti-Mafia në Itali sekuestroi me urdhër nga Gjykata e L’Aquila dhe propozim nga Prokurori Publik lokal dhe DIA, pasuri të të një sipërmarrësi nga L’Aquila në kuadrin e operacionit të koduar “Dama Bianca”, kundër një organizate që merrej me trafikun e drogës.

Ky aktivitet hetimor kishte zbuluar sesi biznesmeni nga L’Aquila kishte financuar organizatën kriminale duke garantuar mbështetje logjistike dhe transportin e drogës përmes mjeteve të tij si dhe punësimin në mënyrë fiktive të disa bashkëpunëtorëve shqiptarë, në kompani të lidhura me të.

DIA, pasi kishte hetuar profilin e biznesmenit, kishte zbuluar edhe raste korrupsioni në dhënien e kontratave të porositura nga komuna e L’Aquila për rindërtimin pas tërmetit të vitit 2009 dhe demonstroi se si ai, me burime shumë modeste të të ardhurave të ligjshme, në fakt kishte një pasuri të konsiderueshme të cilën e kishte fshehur nëpërmjet regjistrimit fiktiv të të afërmve dhe të besuarve.

LEXO EDHE  Dosja "Tahiri"/ Gjykata e Lartë pranon kërkesën e ish-ministrit, kthen çështjen në Apel

Konfiskimi që ndjek sekuestrimin e kryer në fillim të këtij viti, përfshin 32 prona në Abruzzo dhe në provincën e Teramos, tre automjete, ndër to edhe një Lamborghini “Gallardo”, një jaht luksoz si dhe vlera financiare prej afro 3 milionë eurosh.