Nga Boldnews.al
Në 25 janar 2021, BoldNews.al denoncoi se firma e Sahit Dollapit po kryente disa punime në zonën e Ali Demit, pranë fushës.
Disa muaj para zgjedhjeve, në atë kohë Sekretar Organizativ në PD, “ONYX” kishte fituar një tender nga Veliaj, duke konfirmuar bashkëpunimin pozitë-opozitë. Ndërkohë, ngjarjet vijuan të rridhnin dhe PD-ja me Dollapin si Sekretar Organizativ humbi zgjedhjet e 25 prillit.
Por, kjo nuk e ndaloi atë që të rifitonte tendera nga Veliaj. BoldNews publikoi pak javë më parë se Dollapi fitoi tenderin 200 mijë euro për “hapje, zhbllokim pusetash”. Por, a nuk i rihapi dhe i zhbllokoi pusetat edhe para disa muajsh?
Gusht 2021! Disa mjete të kompanisë “ONYX” po kryejnë punime në zonën e Ali Demit në Tiranë. Po hapin disa puseta, pas disa punëve të kryera në këtë zonë. Sipas fotove dhe videove që disponom BoldNews.al, kjo kompani ka hapur një pjesë të asfaltit, ndërkohë që mjetet duket se kanë hapur puseta. Sipas informacioneve të redaksisë, bëhet fjalë për punët e tenderit 200 mijë eurosh të fituar pak ditë më parë, ku kjo kompani garoi me veten e saj. Por, a i ka bërë edhe më herët këto punë “ONYX”?!
Kthehemi pas në kohë! Janar 2021, BoldNews.al denoncoi se mjetet e kompanisë në pronësi të Sahit Dollapit po kryenin disa punime në zonën e Ali Demit, pranë fushës. Punimet faktuan se, vetëm disa muaj para zgjedhjeve, pozita dhe opozita po bashkëpunonin me njëra tjetrën.
Por, a janë bërë mirë punimet në janar 2021 që po ribëhem në gusht 21? Përse të njëjta punime dhe në të njëjtin vend? A bëhet fjalë për të njëjtin problem apo për defekt të ri? Bashkia e Tiranës duhet të sqarojë opinionin për shumë pikëpyetje për këtë tender apo për këto punine. Po opozita ku është?