Covid-19, 47 fëmijë të infektuar në dy ditët e fundit

Gjatë dy ditëve të fundit 47 fëmijë janë infektuar me koronavirus në Kosovë.

Gjendja e këtyre fëmijëve konsiderohet stabile dhe sipas autoriteteve shëndetësore, janë duke u trajtuar në shtëpi.

Vetëm një nga fëmijët e moshës së re (nga 0-9 vjeç) që ka dalë pozitiv me COVID-19, është duke u trajtuar në Klinikën e Pediatrisë në Qendrën Klinike Universitare të Kosovës (QKUK).

LEXO EDHE  Kodi etikës/ 7 rastet kur Rama me ministrat kanë treguar babëzinë përballë luksit

Rufadije Maqastena-Maxhuni, doktoreshë në Klinikën e Pediatrisë, tha për Radion Evropa e Lirë së fëmija i pranuar në klinikë, që ka rezultuar pozitiv me COVID-19, është i izoluar dhe po e merr trajtimin e duhur.

“Pacienti është duke u trajtuar me terapi dhe gjendja e përgjithshme është stabile”, tha ajo.