Një video e publikuar nga JoQ tregon trajtimin përtej çdo imagjinate që i bëhet qytetarëve shqiptarë që udhëtojnë me tragetin Adria Ferries, të linjës Bari-Durrës.
Pavarësisht se paguajnë çmime shumë të shtrenjta, pamjet e mëposhtme tregojnë se ata nuk akomodohen në dhoma, por lihen në korridoret e tragetit, ku shtrihen në tokë për të fjetur.
Video e mëposhtme është e datës 3 gusht 2021 dhe mes pasagjerëve ndodhen edhe fëmijë të mitur, që trajtohen në kushte që s´kanë asnjë lidhje me shërbimin që duhet ofruar në rastet e transportit.
Pamjet janë të ngjashme me ato të 30 viteve më parë kur shqiptarët merrnin anijet dhe largoheshin drejt Italisë, që s´mund të pretendohej për kushte, por me një dallim të madh, që sot detyrohen të paguajnë biletat shumë shtrenjtë dhe dergjen korridoreve apo kuvertën e tragetit.