Një shëtitje familjare u kthye në tragjedi në Turqi, kur një 71-vjeçare humbi jetën pasi u rrëzua nga shkëmbi, moment fatal i cili rastësisth u filmua nga dhëndri i saj.
Kadir Sahiner po filmonte peizazhin piktoresk malor gjatë një shëtitje familjare në pyll pranë fshatit Tepekov në provincën verilindore të Artvin. Ndërsa kamera po lëvizej për të kapur pamjet, Kadir kapi aksidentalisht momentin kur vjehrra e tij, Pumpul Karademir shkoi në buzë të shkëmbit për të parë poshtë para se të humbte ekuilibrin e saj dhe të binte nga shkëmbi.
Pamjet video tregojnë Pumpulin duke u përplasur mbi një shkëmb dhe këmbët e saj mund të shihen në ajër ndërsa ajo bie nga buza e shkëmbit mesditën e së Premtes.
Familja e saj, përfshirë burrin e saj Mehmet Karademir, vajzën Ayla dhe mbesën Ceren, panë me tmerr skenën dhe klithmat e tyre të dëshpërimit mund të dëgjohen në regjistrim.
Ayla gjithashtu mund të dëgjohet teksa e paralajmëron nënën e saj duke i thënë disa herë ‘mos shko, mami, jo, mami, mos shko’ ndërsa iu afrua buzës së shkëmbit pak para rënies së saj fatale.
Policia dhe ambulancat u thirrën në vendngjarje dhe pas një ore kërkimi, ata gjetën trupin e gruas së moshuar, të cilën e çuan në morgun e spitalit publik në qytetin e afërt Savsat. Nuk është e qartë nëse autoritetet po hetojnë incidentin.