Analisti Agim Baçi ka qenë i ftuar ditën e sotme në studion e Fax News për të folur mbi ‘përplasjen’ e Ambasadores Yuri Kim me ish-Kryeministrin Sali Berisha.
Analisti Agim Baçi u shpreh se duke njohur personalitetin e Sali Berishës, dihet që ai nuk do të tërhiqet pavarësisht thirrjes së Yuri Kim.
Gjithsesi, Agim Baçi i bën thirrje SHBA-ve që nëse kanë prova për Berishën t’i publikojnë, sepse shqiptarët janë mësuar me lojërat e vjetëra ‘akuzo pa fakte’ dhe nuk e duan këtë gjë edhe nga SHBA-të.
“Gjërat kanë ardhur në këtë pikë dhe sot ai ishte si një i akuzuar që kërkon fakte. Në Shqipëri ka qenë një lojë e vjetër akuza pa fakte, por do të donim që të paktën Amerika të mos kishte akuza pa fakte. Berisha ishte ai që solli ato që solli. Por jemi përballë një fakti tjetër, ai ka këmbëngulur të jetë aktiv në politikë. Z. Berisha do ta vazhdojë betejen , sepse Sali Berisha është Sali Berisha dhe nuk do të tërhiqet. E gjithë çështja është që ai të mos ndikojë midis PD dhe SHBA-ve. Kemi të bëjmë me një aleat shumë të rëndësishëm. Ambasadorja nuk është person individual. Ajo është përfaqësuese e DASH. Është delikate kjo betejë”, tha Baçi.
Më tej, Agim Baçi shpjegoi se Yuri Kim nuk flet në emër të saj, por në emër të Presidentit të Amerikës, në emër të Sekretarit të Shtetit, prandaj dhe deklaratat e saj kanë qenë të pandryshuara.
“Siç kanë ardhur gjërat, është normale një ballafaqim me fakte dhe këtë nuk mund t’ja mohojmë askujt që mendon se akuzat ndaj tij janë të padrejta. Kemi përballë ish-Kryeministrin dhe një nga vendet më të rëndësishëm në 30 vitet e fundit përballë një nga aleatët më të rëndësishëm siç janë SHBA-të. Kur dëgjon Berishën thua është normale në një shtet të së drejtës. Mendoj se Z.Berisha duhet të ishte tërhequr shumë kohë më parë, sepse ka influencë të jashtëzakonshme te shumë njerëz të rëndësishëm në PD dhe çdo qëndrimi i tij dyzon disi partinë më të madhe në opozitë për qëndrimet politike. Çdo parti ku flet kryetari dhe ish-kryetari… Kanë folur të dy herë pas herë, prandaj ejemi në një lloj pakënaqësie sot. Yuri Kim shqiptarët ta shohin si përfaqësues i Presidentit Amerikan në Shqipëri. Yuri Kim është Yuri Kim, mbron vendimin e Sekretarit Amerikan të shtetit. Ajo vijoi të mbronte të njëjtën linjë që ka mbrojtur deri më sot. A ka pasur një qëndrim për të gjithë të korruptuarit njësoj? S’mund t’i kërkojmë ambasadorëve të bëjnë edhe gjykatësit. Duhet ta bëjmë vetë”, theksoi ai.
DENONCO