Policia e qytetit Bolzano në Itali arrestoi një 30-vjeçar shqiptar, të cilit i gjeti rreth 1 kg kokainë.
Hetimet nisën pasi banorët e një lagjeje informuan policinë për lëvizjet e dyshimta të të riut në një garazh. Pasi e vëzhguan për disa ditë, policët i vunë prangat.
Atij iu gjetën 52 gramë kokainë me vete. Pas kontrollit me ndihmën e qenit në garazh, u kapën edhe afro 916 gramë kokainë.
Policia tha se kokaina ishte e cilësisë më të lartë dhe në tregun e zi mund të sillte një vlerë prej 100 mijë eurosh.
Kur kontrolluan shtëpinë e shqiptarët, policët u befasuan pasi gjetën edhe një makinë për numërimin e parave. Mesa duket tregtia i kishte ecur mirë.
30-vjeçari u dërgua në burgun e Bolzanos.
