Mëkat ta pësosh në fund por Teuta dorëzohet në minutat e fundit duke humbur 1-0 ndeshjen e parë të raundit të tretë eliminator në Conference League ndaj Shamrock Rovers.
Kujtojmë që këta të fundit janë kampionët në fuqi të Irlandës ndaj dhe rezultati i durrësakëve do të merrte shumë vlerë me një barazim që ishte pothuajse i arritur por në minutën e parë shtesë, vendasit gjetën golin me një 17-vjecar, Aidomo Emhaku.
Me disa mungesa të rëndësishme si ajo e Aleksit, Teuta e Martinit arrin të bëhet mur në fushë teksa strategjia ishte e qartë, të mbrohej rezultati e të mos pësohej gol dhe durrësakët po ia dilnin mirë pasi pjesa e parë u mbyll pa asnjë rast të rrezikshëm.
Teksa irlandezët rritën presionin në pjesën e dytë, Teuta ishte pothuajse perfekte në mbrojtje, dhe po ia dilte më së miri por vetëm në shtesë, pas një pakujdesie, ndoshta gabimi i parë në mbrotje, Teuta ndëshkohet nga një gol plotësisht i evitueshëm.
Gjithsesi, pas një jave, Teuta do të ketë shansin në Shqipëri për të tentuar pse jo një fitore që do të thoshte histori për ekipin bregdetar.
