Ish-Kryeministri Sali Berisha ka deklaruar sot prerë se do të jetë pjesë e Parlamentit të ri. Berisha tha se nuk ka forcë në Botë që ta ndalojë që ai të ushtrojë besimin që i kanë dhënë zgjedhësit shqiptarë.
Berisha ka ironizuar ambasadoren amerikane Yuri Kim, kur tha se ajo ka lexuar edhe Enver Hoxhën, edhe Abraham Lincoln edhe Kim Ji Sun, ndërsa shtoi se diplomatja ka frikë nga e vërteta.
“Nuk ka asnjë fakt, asnjë dokument, asnjë provë. Lulzim Basha ka kërkuar gjatë gjithë takimit me Yuri Kim fakte, prova dhe dokumente”, u shpreh Berisha, duke shtuar se “vendimet e marra pa fakte tregojnë mungesë karakteri”.
Ish-Kryeministri u shpreh ata që nuk kërkojnë faktet dhe provat, por bërtasin “Eureka Eureka” tregon se kanë probleme me veten e tyre.
“Shqiptarët duhet të kërkojnë provat dhe faktet, në mënyrë që ata nesër të mos hanë bar”, tha Berisha.
