Palaçollëku që i themi sistem bankar

Nga Klodian Tomorri

Vitet e fundit të gjitha bankat në Shqipëri po aplikojnë në unison një strategji, vendosjen e komisioneve për çdo veprim me cash-in.

Dmth në Shqipëri ke komision kur depoziton para në bankë, komision kur tërheq rrogën nga banka, komision kur hyn tek dera e bankës. Është një çmenduri.

Unë dyshoj se ky është kartel i mirëfilltë me bekimin e Bankës së Shqipërisë, por përderisa nuk kam prova nuk e them dot. Nejse.

Me tre prej bankave më të mëdha jam përplasur vetë, kur pas shkrimeve janë detyruar të tërhiqen nga komisionet, por vetëm përkohësisht për t’i vendosur prapë pas 6 muajsh apo një viti.

Atëherë mbaj mend kur angazhonin rrogëtarët dhe ekspertët e tyre që të bindnin njerëzit se unë e kisha gabim dhe se komisionet ishin gjë e mirë, pasi kështu do të nxitej bankingu online. Shfrytëzuan dhe pandeminë për ta ngjitur mirë këtë punë.

LEXO EDHE  A jeni më afër me Qeverinë se me opozitën? Ja ç´thotë Yuri Kim

Tani se ca sistemesh online kanë këta po e shohin mirë njerëzit. Por sot dua të merrem me një palaçollëk tjetër të madh. Blerjet me kartë.

Shqipëria është vendi i vetëm në Botë ku për blerjet me kartë bankat mbajnë komision deri në 2 për qind nga klienti. Nuk ja mbajnë shitësit, por klientit të kartës. Pra sa herë që t’i ble me kartë paguan 2 për qind taksë bankare mbi cmimin e mallit. Ndyrësirllek i madh, që ndodh vetëm në Shqipëri.

Shikoni tani. Komision për mirëmbajtje llogarie. Komision për transferta. Komision po depozitove para. Komision po tërhoqe paratë cash se demek bankat duan të nxisin online-n ngaqë kanë bërë investime. Por komision edhe po bleve me kartë pa para cash.

Tani ca duhet të bëjë njeriu i shkretë se këta janë bërë taksidarë më të rrezikshëm se taksidarët e qeverisë. Ndërkohe Banka e Shqipërisë rri e vështron.