Një 18 vjeçar ka humbur jetën në Pogradec si pasojë e një aksidenti rrugor. Policia njoftoi se viktima ishte pasagjer në një automjet që doli nga rruga. Nga raportimet mësohet se viktima është Mateo Torra 18 vjeç, banues në fshatin Rodokal, Pogradec.
Ndërkohë në lidhje me këtë ngjarje ka rënë në pranga shoferi E.Hidri 22 vjeç, i cili gjithashtu është lënduar.
“Gjithashtu është arrestuar në flagrancë shtetasi E. H., 22 vjeç, banues në fshatin Rodokal, Pogradec, pasi në rrugën rurale të fshatit Katjel-Rodokal, duke drejtuar mjetin tip “Opel”, ka humbur kontrollin e mjetit duke dalë nga rruga dhe për pasojë ka ndërruar jetë pasagjeri, shtetasi M. T., 18 vjeç, banues në fshatin Rodokal, Pogradec, si dhe është plagosur vetë drejtuesi i mjetit, i cili ndodhet nën kujdesin e mjekëve”, thuhet në njoftimin e policisë.