Armë dhe municion pa leje, arrestohet 1 person

Një person është arrestuar nga policia në Pogradec, pasi iu gjetën në banesë armë dhe municione pa leje.

Policia ka sekuestruar një armë zjarri automatik, një armë gjahu teke, dy karikatorë automatiku dhe municion luftarak pa leje.

“Forcat e policisë, gjatë kontrollit të ushtruar i gjetën dhe sekuestruan në cilësinë e provës materiale një armë zjarri automatik, një armë gjahu teke, dy karikatorë automatiku dhe një sasi municioni luftarak, të cilat ky shtetas i posedonte pa leje.

LEXO EDHE  Manja: Do kërkojmë votat e opozitës për të zgjatur mandatin e KPK-së dhe Komisionerëve Publikë

Në përfundim të veprimeve specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit F. K., për veprën penale “Armëmbajtja pa leje”.

Materialet i kaluan Prokurorisë së Rrethit Gjyqësor Pogradec për veprime të mëtejshme”, njoftoi policia.