Zjarret në Gjirokastër jashtë kontrollit, Peleshi urdhëron evakuimin e banorëve nga zona

Gjirokastra është kthyer në qarkun më problematik përsa i përket vatrave të zjarrit që janë aktivizuar ditët e fundit.

Ministri i Mbrojtjes, Niko Peleshi, ka bërë me dije se vatra e zjarrit, e cila është aktivizuar në njësinë administrative Lunxhëri – Antigone është e rrezikshme.

Peleshi ka bërë me dije se zjarri është shumë pranë banesave dhe ka bërë apel qytetarëve që të jenë bashkëpunues dhe të zbatojnë urdhrit për evakuim.

LEXO EDHE  Shkodër/ Transportonin lëndë drusore në mënyrë të paligjshme, bllokohen 5 automjete

“Në Bashkinë Gjirokastër, është shfaqur një tjetër vatër zjarri e rrezikshme në Njësine Administrative Lunxhëri – Antigone, ku si pasojë e erës situata eshte agravuar dhe zjarri është shume prane banesave. Në vendngjarje po punojne strukturat e mbrojtjes civile.

Gjithashtu në mbështetje kanë shkuar edhe Forcat e Armatosura. U bëjmë thirrje banorëve të jene bashkëpunues me strukturat shtetërore për të zbatuar urdhërin e evakuimit”, shkruan Peleshi në rrjetet sociale.