VIDEO/ Zjarri në Dukat, deputeti i zgjedhur, Arbi Agalliu: Qeveria harxhon për PPP, emergjencat civile pa mjete

Deputeti i zgjedhur në qarkun e Vlorës, Arbi Agalliu, përmes një video mesazhi bën publike situatën e rënduar që paraqitet në këtë qark si pasojë e zjarreve që janë përhapur në mënyrë të shpejt.
Sipas deputetit të zgjedhur Agalliu, qeveria harxhon për PPP dhe lë pa mjete emergjencat civile.
Deklarata
Fatkeqësisht situata ka dalë jashtë kontrollit, qytetarët janë në rrezik, pasuria natyrore është në rrezik.
Kemi përballë një qeveri të papërgjegjshme që harxhon miliona euro në PPP dhe propagandë, ndërsa lë pa mjetet e nevojshme punonjësit e emergjencave civile në përballjen me zjarrin.
Mirënjohje për të gjithë forcat e emergjencës që po përballen me zjarret, ata janë po ashtu të braktisur nga kjo qeveri.
Të gjithë shqiptarët kanë parë sot se si kryeministri përdoret helikopterin e ushtrisë për udhëtime personale, ndërkohë që ai helikopter duhej përdorur për të ndaluar zjarret dhe shpëtuar jetë.
Ne jemi pranë qytetarëve në këto momente, iu bjmë thirrje të jenë të kujdeshëm për jetët e tyre, të largohen nga zonat e rrezikuara deri në kthimin e normalitetit.

 

LEXO EDHE  Tentoi të korruptojë policin, arrestohet shoferi serb