Pas më shumë se 10 ditësh në flakë, ushtria ka zbritur në terren në Vlorë, e cila është më e prekura nga flakët që kanë përfshirë vendin.
Por gjithashtu në terren ka zbritur edhe kreu i Emergjencave Civile, Haki Çako, i cili ka munguar për disa ditë se kishte një event familjar.
Dhe duket se nga eventi, Çako është frymëzuar aq shumë, sa sot ka dhënë udhëzime të qarta, duke porositur krijimin e një kordoni, duke punuar me kazma dhe lopata.
“Për të prevaluar çdo lloj faze, pjesa tjetër e ushtarëve duhet bërë kordon larg zjarrit. Do punuar pjesa tjetër. Me kazëm me lopatë me motorrsharë me gjithçka. Duhet krijuar kordoni.
Pjesa tjetër duhet të punojë me të njëjtin parim. Duhet të punojë me parimin e tokës së djegur. Nuk ka formë tjetër. Duhet gjetur një drejtim”, u shpreh ai.
