Prodhimi i kriptomonedhës Bitcoin është përhapur në të gjithë botën duke marrë parasysh fitimet marramendëse që ajo sjell.
Një “minierë” e prodhimit të Bitcoin u zbulua në zyrat qendrore të policisë së Polonisë në Varshavë.
Zëdhënësi i policisë, Mariusz Ciarka, ka deklaruar për mediat vendase se një punonjës, jo efektiv, tentoi të vjedhë elektricitetin e qendrës për të prodhuar kriptomonedhën.
“Fatkeqësisht kjo ndodhi në zyrat qendrore. Kjo tentativë u zbulua shumë shpejtë” – është shprehur zëdhënësi.
Pas kësaj ngjarje, punonjësi është shkarkuar nga detyra teksa prokuroria e Varshavës ka nisur hetimet.
Kriptomonedhat si bitcoin-i funksionojnë në sajë të një rrjeti të decentralizuar. Prodhimi i saj kërkon pajisje të fuqishme dhe të sofistikuara kompjuterike.
Gjtihashtu ajo kërkon procesorë dhe karta grafike të fuqishme për të dekriptuar ekuacione të komplikuara. I gjithë ky proces shfrytëzon shumë energji elektrike.
