Erion Veliaj, Kryebashkiaku i Tiranës, prej ditësh ndodhet në Tokio, një prej kryeqyteteve më të shtrenjtë në Botë, atje ku po zhvillohen edhe Lojrat Olimpike.
Nuk dihet se çfarë përfaqëson Veliaj, ç´lidhje ka ai me aktivitetin dhe sa prej homologëve të tij në Europë apo më gjerë kanë zgjedhur të shkojnë në Japoni, qoftë edhe për të shoqëruar ekipet sportive.
Duket se Veliaj po shfrytëzon në maksimum çdo gjë për imazhin e tij, vijon show dhe propagandën, gjëra që di të bëjë edhe më mirë, që nga momenti që u shfaq si politikan.
Nënkryetari i PD, Edi Paloka, ka ironizuar vajtjen e Veliajt në Tokio, ndërsa në rrjetet sociale shkruan se ai po i vjedh meritat edhe Luiza Gegës.
Në fakt Veliaj nxitoi të bënte një foto me atleten shqiptare dhe t´a publikonte me nxitim në rrjet dhe më pas në media.
“Edhe në Tokio me mendjen për të vjedhur… Në këtë rast po i vjedh meritat Luizës ! Ndërkohë që vjedh paratë tona me të cilat po zbavitet në kryeqytetin më të shtrenjtë në planet”, shkruan Paloka.