Saginaw Grant, aktori i njohur më shumë për paraqitjen në “Breaking Bad” dhe “The Lone Ranger”, ka vdekur në moshën 85-vjeçare.
Grant vdiq të mërkurën në gjumë nga shkaqe natyrore, sipas mikes dhe publicistes së tij, Lani Carmichael.
“Ai e donte Oklahoma dhe Los Angelesin”, tha Carmichael. “Ai e bëri shtëpinë e tij këtu si aktor, por kurrë nuk i harroi rrënjët e tij në Oklahoma”.
Saginaw lindi më 20 korrik 1936, në Pawnee, Oklahoma. Ai filloi të aktrojë në fund të viteve 1980 dhe luajti role të ndryshme në dhjetëra filma dhe shfaqje televizive gjatë tre dekadave të fundit, duke përfshirë “The Lone Ranger”, “The World’s Fastest Indian”, “Breaking Bad”, “Baywatch”, “My Name Is Earl”, “Saving Grace”, “American Horror Story”, “Shameless” etj.
Një memorial për të do të mbahet në zonën e Los Angeles, por detajet akoma nuk janë zbuluar.
