Detaje të reja janë publikuar lidhur me vrasjen e 27-vjeçares shqiptare, Joana Peca. Ajo u gjet e vrarë brenda makinës së saj, ndërsa në sediljet e pasme ishin dy fëmijët e mitur të viktimës
Banorë të zonës, kanë publikuar video pak pas vrasjes së 27-vjeçares. Në videon në fjalë, dëgjohen të qarat e fëmijëve, me gjasë, të të vegjëlve të Joana Pecas.
Sanda Bentil, oficerja që ka ndjekur nga afër ngjarjen, ka thënë se një telefonatë ka mbërritur rreth orës 17:30 në rajonin e tyre, ku i kanë transmetuar se një person ishte qëlluar.
Kur oficerët mbërritën në vendin e ngjarjes, kanë gjetur 27-vjeçaren e vdekur brenda një makine, me plagë të dukshme të shkaktuar nga një armë zjarri. Ndërkohë pranë saj ndodheshin 2 fëmijët e mitur, të padëmtuar nga sulmi, por të tmerruar.
“Dy fëmijë të vegjël sonte do të shkojnë në shtrat pa nënën e tyre,’ tha e prekur oficerja e policisë.
Aktualisht policia vazhdon të hetojë të dyshuarit e mundshëm për krimin e rëndë që i mori jetën shqiptares. Policia iu ka bërë thirrje gjithashtu qytetarëve që të raportojnë nëse kanë të dhëna mbi ketë ngjarje.
Viktima ka shkuar në SHBA 15 vjet më parë, bashkë me nënën e saj, përmes lotarisë amerikane. Më parë u raportuan lajme se babai i 27 vjeçares nga Gjirokastra, ishte ekzekutuar në vitin 1997, por ngjarjet nuk kanë lidhje me njëra-tjetrën.
