I kërkoi divorcin, greku masakron me thikë gruan e tij shqiptare/ Detajet

Një krim i rëndë në familje u regjistrua në Rodos të Greqisë. Sipas medieve vendase, një 47-vjeçar grek, ka qëlluar me thikë bashkëshorten e tij, 36-vjeçare shqiptare.

Mësohet se shkak për krimin e rëndë është bërë fakti se shqiptarja kishte kërkuar divorcin.

Ngjarja ndodhi rreth mesnatës. Pasi e ndoqi nëpër shtëpi, greku e goditi gruan e tij me thikë në këmbë, krahë dhe qafë.

Fqinjët kanë dëgjuar zhurmat dhe thirrjet e gruas për ndihmë dhe njoftuan autoritetet.

LEXO EDHE  Rama në Asamblenë e OKB-së: Duhet traktat i ri ndërkombëtar për përballimin e pandemive!

E plagosura është dërguar në spital, ku për fat të mirë ndodhet jashtë rrezikut për jetën.

Ndërkohë kanë nisur hetimet për grekun e arrestuar, i cili kishte precedentë për krime të ngjashme. Çifti kishte një fëmijë të vogël.

47-vjeçari dyshohet se donte t’i jepte fund jetës, pasi në shtëpinë e tij u gjet një shënim i shkruar me dorë me të cilin po i thoshte lamtumirë njerëzve të afërt.