Jessica Alves, e cila para disa kohësh u kthye nga burrë në femër, ka zbuluar se është duke planifikuar që të bëjë transplantin e mitrës, për të pasur mundësinë që në një të ardhme të ketë fëmijë.
Transplanti i mitrës është një procedurë, e cila nuk është realizuar kurrë tek një grua transgjinore.
“Unë do të dëshiroja një fëmijë që ka gjenet dhe gjakun tim, dhe kam ngrirë spermën time në mënyrë që ta përdor për IVF (procedurë që përdoret për të ngelur shtatzënë). Gjithçka që doja ishte të isha grua dhe operacioni për ndryshimin e gjinisë ishte dita më e lumtur e jetës time. Por të kesh një mitër, është akoma edhe më mirë. Do të ndihesha e plotë nëse do të isha në gjendje të lindja”, ka rrëfyer 38-vjeçarja.
Ajo tregon se shpreson që të bëhet gruaja e parë transgjinore që kryen një transplant të mitrës dhe aktualisht po flet me mjekët për procedurën, shkruajnë mediat e huaja.
