Një shtetas në kërkim ndërkombëtar u arrestua nga Policia. Bëhet fjalë për shtetasin Bert Seseri alias Albert Seseri, 52 vjeç, i cili ishte shpallur në kërkim nga drejtësia italiane, pasi është i dënuar për veprat penale “Organizatë kriminale” dhe Trafik i lëndëve narkotike”.
“Shërbimet e Komisariatit të Policisë Krujë si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejtë Italisë të shtetasit Bert Seseri alias Albert Seseri, 52 vjeç, banues në Krujë.
Arrestimi i këtij shtetasi u bë pasi Gjykata e Apelit në Torino, Itali, e ka dënuar me 10 vjet e 4 muaj burgim nga të cilat i kanë mbetur për të kryer edhe 5 vjet, 6 muaj e 15 ditë burgim, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal Italian.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejtë Italisë”, thuhet në njoftimin zyrtar të Policisë.