Agim Zeka transferohet më Kosovë, e zyrtarizon klubi…

Ish-futbollisti i Skënderbeut dhe i moshave të Shqipërisë, Agim Zeka, do ta vijojë karrierën në Superligën e Kosovës. 22-vjeçari është zyrtarizuar nga “intelektualët” si përforcim tepër cilësor, i cili pritet të ketë impakt  të madh në paraqitjen e skuadrës sezonin e ri.

Njoftimi i Dritës

“Klubi ynë, “FC DRITA”, ka arritur që të përforcojë edhe më shumë fazën ofensive me lojtarin tonë më të ri, Agim Zeka, i cili vjen pas një eksperience të madhe nga Evropa!

Agim Zeka, 22-vjeçar, është sulmues krahu dhe sa ishte pjesë e Skënderbeut, bëri hapin e madh ku u transferua tek giganti francez LOSC Lille dhe me pas ishte i huazuar në ekipe të njohura evropiane dhe së fundmi ishte pjesë e Bundesligës së austriake, Austria Viena.

LEXO EDHE  VIDEO/ Pellegrini i hap rrugën përmbysjes së Romës, shikoni perlën e kapitenit të verdhekuqve

Zeka ishte pjesë e përfaqësueseve të moshave të Shqipërisë U-17, U-19 dhe U-21. Marrëveshja mes klubit tonë dhe lojtarit është lidhur për dy vitet e ardhshme dhe Zeka do të jetë bardhekaltër deri në vitin 2023.”