Me rënien në Kategorinë e Dytë ka ndryshime edhe në pankinën e Orikut. Besmir Shabani do të jetë në timon të ekipit për sezonin 2021-2022, për të zëvendësuar Artan Sakajn e dorëhequr.
Ai nuk e ka të panjohur ambientin, pasi e drejtoi për disa javë ekipin edhe vjet. Nëpërmjet një deklarate klubi njofton: “Klubi Oriku njofton se trajner i ekipit për sezonin futbollistik 2021- 2022 do të jetë Besmir Shabani. Gjithashtu, të gjithë lojtarët që kanë marrëdhënie kontraktuale me klubin, duhet të paraqiten ditën e hënë, ora 17:00, për fillimin e seancave stërvitore. Klubi u uron suksese të dyja palëve në këtë sezon”.
