Largimi i Bardhit ndryshon skemën e Partizanit, Daja do t’i besojë talentit 19-vjeçar

Largimi i Jurgen Bardhit do të lërë një hapësirë të madhe në mesfushë, pasi 23-vjeçari tregoi një nivel të lartë sezonin e shkuar, ku përveçse krijonte thuajse çdo aksion të “demave të kuq”, arriti të shënojë edhe 5 gola në Superiore. Lojtari që pritet të mbulojë këtë boshllëk, pritet të jetë Arinaldo Rrapaj.

Edhe pse është vetëm 19 vjeç, duket se mesfushori ka besimin e trajnerit Daja, pasi është pikërisht një zbulim i strategut 54-vjeçar, gjatë kohës që drejtonte Skënderbeun.

LEXO EDHE  Dosti i përgjigjet ish-lojtarit të Partizanit: Nëse nuk rrit cilësinë stërvitja dy herë në ditë…

Murataj pritet të luajë para mbrojtjes, ndërsa Herald Marku dhe Arinaldo Rrapaj do të jenë mesfushorët që do të krijojnë dhe do të shpenzojnë energji. Gjithashtu, edhe Kristi Kote është një lojtar që lufton vazhdimisht për një vend titullari dhe ndoshta mund të aktivizohet edhe më shumë këtë sezon të ri.