FOTO/ Aksidenti me 2 viktima, ky është 23 vjeçari drejtonte automjetin tip BMW

Amarildo Preka, 23 vjeç dhe Dirona T. 16 vjeç, humbën jetën në orët e para të mëngjesit të sotëm në Shkodër, si pasojë e një aksidenti rrugor. Mjeti të cilin e drejtonte 23 vjeçari Amarildo Preka, një BMW X5, doli nga rruga dhe u përplas me një mur.

Aksidenti ka ndodhur në vendin e quajtur “Mbi sukë”, në rrugën Shkodër-Velipojë, në orën 02:45.

Amarildo Preka, 23 vjeç banues në fshatin Mali Jushit, Shkodër dhe pasagjerja, shtetasja Dirona T., 16 vjeçe banuese në lagjen Perash, Shkodër, humbën jetën në vendin e ngjarjes.

Grupi hetimor ndodhet në vendngjarje dhe po punon për zbardhjen e plotë të rrethanave të saj. Nga informacionet mësohet se dy të rinjtë po ktheheshin nga një festë.

LEXO EDHE  Përjashtimi i Berishës, Tabaku: Vendimi i takonte Bashës, jo çdo vendim kalon nga strukturat

Shkodër/Informacion paraprak.

Me datë 31.07.2021 rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, si rezultat i shpejtesisë në kthesë, një mjet tip BMW, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit Amarildo Preka 23 vjeç banues në fshatin Mali Jushit, Shkodër dhe pasagjerja shtetasja Dirona T. 16 vjeçe banuese në lagjen Perash, Shkodër.

Grupi hetimor nën drejtimin e Prokurorisë po vijon punën për sqarimin e plotë të rrethanave të aksidentit.