Pasditen e djeshme u dha informacioni për trupin e pajetë të një shtetasi në plazhin e Tales në Lezhë, ku pas verifikimeve nga policia, rezultoi se bëhej fjalë për 27-vjeçarin Pavlin Rrasa.
Ai humbi jetën si pasojë e një arresti kardiak, ndërsa pushonte me familjen e tij në këtë plazh. 27-vjeçari mbante detyrën e Nëntogerit të Forcave të Armatosura të Shqipërisë
“I hidhëruar nga lajmi për largimin nga jeta e N/Toger Pavlin Rrasa. Pavlini 27 vjeçar pësoi një arrest kardiak ndërkohë që po pushonte me familjen. I shpreh ngushëllimet e mia më të sinqerta familjes së N/Togerit dhe kolegëve të tij të Repartit Ushtarak 1010”, shkruan Niko Peleshi, ministër i Mbrojtjes në një postim në rrjetin social.
