VIDEO/ Gruaja në gjendje të rëndë pas përplasjes nga makina, ambulanca nuk i jep ndihmë!

Një aksident ka ndodhur mbrëmjen e sotme në Kamëz. Sipas dëshmitarëve, një grua – këmbësore është përplasur nga një automjet dhe ndodhet në gjendje të rëndë.

Portali “JOQ” ka publikuar denoncimin e një qytetari i cili shprehet se pavarësisht gjendjes së rënduar të së plagosurës, autoambulanca ka vonuar për të shkuar në vendngjarje.

“Aksident i ndodhur në Kamëz. Është aksidentuar një grua edhe është në gjendje të rëndë. Policia akoma se ka sjellë ambulancën, skandal! Ambulanca e Kamzës nuk ka naft për të ardhur”, thuhet në denoncim.

LEXO EDHE  Mutacioni “Delta” dhe fëmijët, sa i madh është rreziku?

Rreth 1 orë pas publikimit të lajmit në media, reagoi policia. “Më datë 31.07.2021, në Kamzë, mjeti me drejtues shtetasin M. H., rreth 48 vjeç, ka përplasur këmbësoren shtetasen F. K., rreth 62 vjeçe, e cila ndodhet në spital, nën kujdesin e mjekëve. Grupi hetimor vijon punën për sqarimin e rrethanave të aksidentit”, njoftoi policia.