Dyzetepesë raste të reja me Covid nga 3,684 testime raportohen në 24 orët e fundit.
Sipas Ministrisë së Shëndetësisë, nuk është shënuar asnjë viktimë.
Të shëruar në 24 orët e fundit janë 17 pacientë, ndërsa në total – 130,222.
Në Spitalin Infektiv, po marrin trajtim spitalor të specializuar 21 pacientë.
Që nga shfaqja e pandemisë në vend, janë shënuar 133,081 të infektuar, nga të cilët 2,457 kanë humbur jetën.
Raste aktive janë 402.
Rastet e reja janë shënuar më së shumti në bashkitë Tiranë dhe Shkodër:
- 10 raste në Tirane
- 9 raste ne Shkodër
- Nga 4 raste në Kavajë, Sarandë
- 3 raste në Himarë
- Nga 2 raste në Elbasan, Berat, Kuçovë
- Nga 1 rast në Krujë, Durrës, Fier, Kukës, Lezhë, Mirditë, Kamëz, Përmet, Peqin
Ministria e Shëndetësisë i bën apel qytetarëve të vaksinohen ndaj Covid-19, duke kujtuar se muaji i hapur i vaksinimit i jep mundësi çdo qytetari +18 vjeç të vaksinohet. Sipas MSH, vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
“Nëse dyshoni se jeni i prekur nga Covid-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, apelon po ashtu Ministria e Shëndetësisë.
Shpërndarja gjeografike e rasteve aktive, sipas qarqeve:
- Tiranë – 146
- Elbasan – 56
- Kukës – 34
- Vlorë – 32
- Shkodër – 31
- Lezhë – 30
- Fier – 21
- Berat – 18
- Korçë – 15
- Durrës – 14
- Gjirokastër – 5
