Rita Lati flet për zënkat me Rozën dhe zbulon projektin e ri

Aktorja e njohur e humorit, Rita Lati, në një intervistë për “Edicioni Veror”, tregoi rreth një projekti të ri në të cilin është përfshirë si dhe për zënkat që ka ndonjëherë me vajzën e saj, Rozën.

“Gjatë verës dua plazhin, të kem Rozën që të zihemi sa më shumë që të na marrë vesh lagja. Të kem njerëz që më falin dashuri,” shprehet Lati.

Rita tha se e sheh shumë pak Rozën pasi ajo është duke u marrë me një projekt rreth të cilit nuk mund të japë detaje ende.

LEXO EDHE  Ndahen Jason Derulo dhe Jena Frumes

“Është një dëshirë e mamit që ajo do ta realizojë.”- tha Rita.

Rita tregoi gjithashtu se është e angazhuar në një serial për të cilin pritet të nisin xhirimet së shpejti.

“Kam filluar një serial me Gent Hazizin. Jam shumë e lumtur. Ka filluar vetëm puna në tavolinë. Jam shumë e lumtur që pas kaq viteve e pranova diçka se jam bërë shumë e keqe. Jo se nuk dua, por dua një gjë që të më përshtatet. Pra, të jetë Rita tek ajo gjëja.”