Këngëtarja e njohur shqiptare, Besa Kokëdhima, ka reaguar ashpër pas firmosjes së marrëveshjes trepalëshe Shqipëri-Serbi-Maqedoni e Veriut ditën e djeshme në forumin “Ballkani i Hapur”, nismë ku Kosova nuk u përfshi.
Besa, në një postim në Instagram, shkruan se vendosja e trarëve nga ana e qeverisë shqiptare me Kosovën dhe mini-Shengeni me Serbinë, “është si të bësh krushqi me atë që të ka përdhunuar motrën”.
“Trarë me Kosovë, mini-Shengen me Serbinë. Ose thënë ndryshe, të bësh krushqi me atë që të ka përdhunuar motrën…”, shkroi Besa Kokëdhima.
Këngëtarja tha se vazhdojë të blejë vetëm produkte shqiptare. Madje shtoi se do shkojë në Dardani edhe sikur të vendosin 1000 trarë, duke i kërkuar ndjesë shqiptarëve të Kosovës për këtë vendim të qeverisë shqiptare.
“Nuk e di për ju, por unë do të bojkotoj çdo produkt jo shqiptar dhe jo shqiptar të Kosovës, të Dardanisë. Do shkoj në Dardani sikur 1000 trarë të vendosin. Do shkoj në Shkup e jo në Skopje, në Tetovë, Gostivar, në Mal të zi e jo në Montenegro. Të na falin shqiptarët e Kosovës për këtë lëndim. Jemi një”, shkroi këngëtarja në një tjetër postim.
