Një ngjarje e rëndë është regjistruar në Tiranë, ku një 26-vjeçar dyshohet se ka kryer marrëdhënie seksuale me dhunë me një 25-vjeçare.
Bëhet fjalë për shtetasin me iniciale E.B. Ndërkohë, sipas njoftimit të policisë një 37-vjeçar, i cili dyshohet se është shok me 25-vjeçaren i ka kërkuar një shumë parash 26-vjeçarit në mënyrë që e reja të mos kallëzonte ngjarjen.
“Nga specialistët për Hetimin e Krimit në Komisariatin e Policisë Nr.1 u bë ndalimi i shtetasve: E. B., 26 vjeç dhe G. D., 37 vjeç. Ndalimi i këtyre shtetasve u bë pasi shtetasi E. B. dyshohet se ka kryer marrëdhënie seksuale me dhunë me një 25-vjeçare, ndërsa shtetasi G. D. (shok me 25-vjeçaren) i ka kërkuar një shumë parash shtetasit E. B., që 25-vjeçarja të mos kallëzonte ngjarjen”, njoftoi policia.
